ఆసియా కప్‌లో పాకిస్థాన్‌ను మట్టి కరిపించిన బంగ్లాదేశ్ ఫైనల్ చేరింది. భారత్‌తో తుది పోరుకు ఆ జట్టు సిద్ధమైంది. ఓ మాదిరి లక్ష్యాన్ని చేధించే క్రమంలో పాక్ బ్యాట్స్‌మెన్ చేతులెత్తేశారు. బుధవారం జరిగిన మ్యాచ్‌లో 240 పరుగుల టార్గెట్‌‌తో బరిలో దిగిన పాక్.. 50 ఓవర్లలో 9 వికెట్ల నష్టానికి 202 పరుగులు మాత్రమే చేసింది. గత నాలుగేళ్లలో బంగ్లా జట్టు ఆసియా కప్ ఫైనల్ చేరడం కావడం విశేషం. 2015 నుంచి పాక్, బంగ్లా మధ్య 4 వన్డేలు జరిగితే.. అన్నింట్లోనూ బంగ్లాదేశ్ జట్టే విజయం సాధించింది.

బంగ్లాదేశ్ చేతుల్లో చిత్తుగా ఓడిన తమ జట్టుపై పాక్ ఫ్యాన్స్ ఫైరవుతున్నారు. సర్ఫరాజ్‌ను కెప్టెన్సీ నుంచి తొలగించాలని డిమాండ్ చేస్తున్నారు. 95 మ్యాచ్‌లు ఆడిన అతడు చేసింది రెండు సెంచరీలు, 8 హాఫ్ సెంచరీలు మాత్రమే.. అలాంటి ఆటగాడు జట్టును నడిపిస్తున్నాడు. అమేజింగ్.. అంటూ కామెంట్లు పెడుతున్నారు.
భారత్‌ చేతిలో మూడో ఓటమిని తప్పించుకోవడం ఎలా? బంగ్లాదేశ్ లాంటి పసికూన చేతిలో ఓడితే సరిపోతుంది. ఈవిధంగా పాకీ భారత్ చేతుల్లో ఓటమిని తప్పించుకుంది. వాళ్లు ఈ ఫలితాన్ని ఎంజాయ్ చేస్తున్నారని వ్యంగ్యంగా ట్వీట్లు చేస్తున్నారు.
థాంక్యూ అల్లా.. భారత్ చేతుల్లో వరుసగా మూడో ఓటమిని తప్పించావ్ అంటూ పాక్ ఫ్యాన్స్ నిర్వేదంతో ట్వీట్లు చేస్తున్నారు.